Ler con ciencia

O lema elixido para este curso 2013/2014 pola Consellería de Cultura, Educación e O.U. é LER CIENCIA NA BIBLIOTECA ESCOLAR.

Trata de sensibilizar sobre a importancia da lectura de textos de carácter científico, de textos divulgativos ou de textos literarios que tratan temas relacionados coa ciencia. Todos estes contidos teñen cabida na biblioteca e enriquecen a nosa bagaxe lectora.

Coincidindo co 

fixemos esta mostra de títulos:

Celebrando a Biblioteca

Con este lema, Biblioteca escolar, acelerador de innovación, preséntase o cartel que neste curso 2012/2013 edita a Consellería de Cultura, Educación e Ordenación Universitaria, co gallo da celebración do mes da biblioteca escolar (outubro) e do Día da Biblioteca (24 de outubro). Nesta ocasión, a ilustración correspondeu ao creador galego Andrés Meixide, que vén sumarse así aos ilustradores que teñen colaborado con esta consellería no obxectivo de difundir as posibilidades da biblioteca escolar.

Actividades en toda Galicia para celebrar o Día da Biblioteca

Biblioneme convida ó alumnado de 1º ESO a unhas actividades moi entretidas de formación de usuarios e agasalla cuns fermosos marca-páxinas ós membros da nosa comunidade educativa.