PROTOCOLO DE USO DA BIBLIOTECA

 

PROTOCOLO DE USO DA BIBLIOTECA

CURSO 2020/2021 

Durante o período determinado pola pandemia da Covid-19, Biblioneme seguirá o protocolo de actuación estipulado polas autoridades sanitarias e educativas.

Debido a que o espazo da biblioteca vai ser utilizado como aula, e como medida preventiva, a atención a usuarios (empréstito, devolucións, …) non se realizará na biblioteca.

Ante esta situación, deseñaremos unha “biblioteca distribuída”, segundo as Instruccións para a organización e o funcionamento da BE do 1 de setembro de 2020, que nos conducirá a modificar as actividades de Biblioneme  e a diversificar os espazos de actuación.

Dende o Equipo da Biblioteca esperamos que Biblioneme continúe sendo  unha biblioteca de tod@s e para tod@s :

Ø  Como centro de recursos e biblioteca inclusiva actuaremos para previr o fracaso escolar, atendendo ás NEAE.

Ø  Pretendemos afianzar un proxecto que se adapte, ante a nova realidade, ás necesidades educativas do noso centro e das novas tecnoloxías. Debido á situación sanitaria, consideramos prioritario abrir a biblioteca de forma virtual.  O obxectivo é formar alumnado autónomo no coñecemento da Biblioteca Escolar. Así, a formación de usuarios terá un carácter extraordinario pola situación derivada da pandemia. Toda a comunidade educativa será debidamente instruida nos novos protocolos a seguir na utilización do espazo da biblioteca, na xestión bibliotecaria (solicitudes de adquisicións, empréstitos, devolucións,..) e nos recursos dixitais e actividades que esta ofrece. O correo da biblioteca servirá de enlace coa comunidade educativa:

bibliotecamonteneme@gmail.com 

Ø  Continuaremos informando a toda a comunidade educativa das exposicións, recursos, actividades, guías,….a través de distintas canles:

www.animacionlectura.blogspot.com → Blog de animación á lectura da biblioteca escolar.

www.clubiblioneme.blogspot.com →Blog do club de lectura (abrangue todos os grupos do club).

www.edu.xunta.gal/centros/iesmonteneme  → Páxina web do IES Monte Neme.

https://www.youtube.com/watch?v=dpLGoSWlvZg&list=PLxRPPYH8hJ_BMxyvd58GbePtFJ44Y7XS  → Canle Youtube.

 https://www.facebook.com/institutomonteneme/  → Facebook do IES Monte Neme.

Ø  Respecto ao alumnado, promoveremos e facilitaremos o acceso ás novas tecnoloxías no tratamento da información para actividades de investigación e animación á lectura.

Ø  Poñeremos a disposición dos departamentos os recursos da biblioteca. Será unha fiestra aberta para a divulgación e a consulta, impulsando a educación dixital para tod@s. Así mesmo, seguiremos colaborando nos distintos programas e proxectos que se están desenvolvendo no centro.

Durante este período de excepcionalidade, estableceremos as seguintes normas:

 

NORMAS DE FUNCIONAMENTO

v  Respecto ao espazo da biblioteca, este será utilizado como aula e seguirá o protocolo sanitario determinado para estes espazos. Contamos con xel hidroalcólico accesible na entrada, caixa con solución hixenizante e panos desbotables, papeleira de pedal, postos (pupitres) con distancia de seguridade,…

Establecerase a seguinte rutina de limpeza e desinfección:

1.- Hixienización de mans ao entrar e saír.

2.- O uso da máscara é obrigatorio en todo momento.

3.- Mantemento do distanciamento social (distancia de seguridade mínima de 1,5 m entre persoas).

4.- Limpeza e desinfección diaria da biblioteca. (“Limparanse e desinfectaranse as instalacións, mobiliario e equipamentos de traballo. “)

5.- Ventilación entre sesións e diaria, sempre que sexa posible.

 Ademáis:

* Non está permitida a libre circulación pola biblioteca, agás para acceder aos postos habilitados.

*Anúlase o acceso directo aos materiais dos andeis (fondos, ordenadores,…), solicitaránse aos membros do equipo da biblioteca.

* Prohíbese o uso de xogos de mesa e materiais semellantes.

*Non está permitido mover mesas ou cadeiras, posto que están dispostas para manter unha correcta distancia de seguridade.

v  Préstamos e devolucións.

ü  O préstamo realizaráse a través do correo electrónico da biblioteca (bibliotecamonteneme@gmail.com), indicando nome e apelidos, curso, número de usuari@, título da obra e autor/a. O blog de Biblioneme (www.animacionlectura.blogspot.com) contén o enlace ao catálogo de fondos para a consulta.

http://www.opacmeiga.rbgalicia.org/Biblioteca.aspx?CodigoBiblioteca=CED041

 

ü  Os fondos só serán manipulados e distribuidos, nas aulas correspondentes, polo equipo da biblioteca.

ü  O material emprestado e devolto será deixado nas caixas habilitadas e identificadas para tal efecto. Non estará dispoñible ata pasadas 4 horas de corentena.

Se a situación sanitaria e os protocolos varían, estas normas poden ser revisadas ou cambiadas.