Día Mundial da Poesía 2020

Día  Mundial da Poesía 2020

Poesía, expresión lingüística da nosa humanidade común (Lema da ONU)

Dende 1998 celébrase o Día Mundial da Poesía. A finalidade desta conmemoración é dar visibilidade á poesía e a súa relación coas outras artes.

Este ano, máis ca nunca, a poesía convértese no vehículo transmisor de emocións, sentimentos, esperanza,… Poesía en tempos difíciles.

Quedaremos na casa. Leremos, recitaremos e escribiremos poesía, esperando tempos mellores.

IRMAUS

Camiñan ao meu rente moitos homes.

Non os coñezo. Sonme estranos.

Pero ti, que te alcontras alá lonxe,

máis alá dos desertos e dos lagos,

máis alá das sabanas e das illas,

coma un irmáu che falo.

Si é túa a miña noite,

si choran os meus ollos o teu pranto,

si os nosos berros son igoales,

coma un irmau che falo.

Anque as nosas palabras sean distintas,

e ti negro i eu branco,

si temos semellantes as feridas,

coma un irmau che falo.

Por enriba de tódalas fronteiras,

por enriba de muros e valados,

si os nosos soños son igoales,

coma un irmau che falo.

Común temos a patria,

común a loita, ambos.

A miña mau che dou,

coma un irmau che falo.

Celso E. Ferreiro.- Longa noite de pedra

Podedes ler poesía a través destas Bibliotecas dixitais:

• Portal de poesía: http://www.portaldepoesia.com/
• Biblioteca virtual galega:http://bvg.udc.es/index.jsp
• Galicia Le: https://www.galiciale.gal/
• Biblioteca virtual Miguel de Cervantes: http://www.cervantesvirtual.com/

Entre as iniciativas para conmemorar este día, O Ministerio de Cultura y Deporte, dentro da campaña #LaCulturaEntuCasa, fixo un chamamento aos cidadáns para que colguen en redes á lectura dos seus poemas favoritos e que os compartan a través de Instagram coas etiquetas #Yomequedoencasa, #LaCulturaEntuCasa e #DíadelaPoesía.

Ademais, Galix, Asociación Galega do Libro Infantil e Xuvenil, convida a participar no Concurso: Un poema na túa voz.
http://www.galix.org/2020/03/por-mor-das-circunstancias-excepcionais.html